మెగాస్టార్ చిరంజీవి, కీర్తి సురేష్ కలిసి ‘భోళా శంకర్’ సినిమాలో నటిస్తున్న సంగతి తెలిసిందే. ఈ సినిమాలో చిరంజీవికి చెల్లెలి పాత్రలో కీర్తి సురేష్ నటిస్తోంది. లేటెస్ట్‌గా జరిగిన ‘భోళా శంకర్’ ప్రీ రిలీజ్ ఈవెంట్‌లో భాగంగా కేవలం ఈ సినిమా వరకే మేమిద్దరం అన్నా చెల్లెళ్లం.. ఆ తర్వాత కాదు.. ఏమో భవిష్యత్తులో హీరోయిన్‌గా నటించే అవకాశాలుండొచ్చు.. అని కీర్తి సురేష్‌తో అన్నారు.

కీర్తి సురేష్ చాలా మంచి నటి. మహా నటి సినిమా చూసి.. తానెంతో ఆశ్చర్యపోయానని చెప్పారు. అలనాటి మహానటి సావిత్రిని మ్యాచ్ చేయడం అంత చిన్న విషయం కాదు.. అలాంటిది కీర్తి సురేష్ చేసి చూపించింది. ఆమెకు మంచి భవిష్యత్తు వుంది.. అని కీర్తిని బ్లెస్ చేశారు చిరంజీవి. 

ఈ సినిమాలో చిరంజీవి గారితో కలిసి నటించడం తనకెంతో ఆనందంగా వుందనీ కీర్తి సురేష్ చెప్పుకొచ్చింది. కీర్తి, చిరంజీవి మద్య వచ్చే సన్నివేశాలు ఎంతో హృధ్యంగా వుంటాయని, అందర్నీ ‘భోళా శంకర్’ ఖచ్చితంగా ఆకట్టుకుంటుందని చిరంజీవి తెలిపారు. ఆగస్ట్ 11న ‘భోళా శంకర్’ ప్రేక్షకుల ముందుకు రాబోతోంది.