దీపముండగానే ఇల్లు చక్కబెట్టుకోవాలన్న నానుడి ముద్దుగుమ్మల విషయంలో బాగా వినిపిస్తుంటుంది. మిల్కీ బ్యూటీ తమన్నా ఇప్పుడదే చేస్తోంది. నిజానికి ఎప్పుడో ఫేడవుట్ అయిపోయింది తమన్నా. కానీ, అవకాశాలు మాత్రం ఆమెకి ఇంకా ఇంకా వస్తూనే వున్నాయ్. 

తమిళంలో సూపర్ స్టార్ రజనీకాంత్ సరసన ‘జైలర్’ సినిమాలో నటిస్తోంది. ఈ సినిమా ఆగస్టు 10న ప్రేక్షకుల ముందుకు రానుంది. అలాగే తెలుగులో ‘భోళా శంకర్’ సినిమా కోసం మెగాస్టార్ చిరంజీవితో స్ర్కేన్ షేర్ చేసుకుంటోంది.

ఆగస్టు 11న ఈ సినిమా ప్రేక్షకుల ముందుకు రానుంది. ఓ పక్క సినిమాల్లో ఈ రేంజ్ స్టార్ స్టేటస్ పొందుతూనే, మరోవైపు ఓటీటీలోనూ తమన్నా జోరు పెంచింది. మొన్నీ మధ్యనే ‘లస్ట్ స్టోరీస్ 2’లో నటించి సెన్సేషనల్ అయ్యింది.

ఇప్పుడు మరిన్ని ఓటీటీ కంటెంట్స్ తమన్నా కోసం ఎదురు చూస్తున్నాయట. కొన్ని ఆల్రెడీ సెట్స్ మీద వుండగా, ఇంకొన్ని చర్చల దశలో నడుస్తున్నాయట. చూస్తుంటే, ఇప్పట్లో తమన్నా డైరీ ఖాళీ అయ్యేలా కనిపించడం లేదు.