బహ్రెయిన్: ICC పురుషుల క్రికెట్ ప్రపంచ కప్ ట్రోఫీ టూర్ బహ్రెయిన్ లో నిర్వహించనున్నారు. జుఫైర్ (అల్ నజ్మా క్లబ్ - BCF ఆఫీస్) నుండి బహ్రెయిన్ ఇంటర్నేషనల్ సర్క్యూట్ వరకు భారీ రోడ్‌షో చేపట్టనున్నారు. ఆగస్ట్ 12న సాయంత్రం 7 గంటల నుంచి రాత్రి 9 గంటల వరకు ఈ ర్యాలీ సాగనుందని బహ్రెయిన్ క్రికెట్ అసోసియేషన్ తెలిపింది. ఈ సమయంలో ట్రోఫీతో ఫోటో దిగే అవకాశాన్ని బహ్రెయిన్ ఇంటర్నేషనల్ సర్క్యూట్ వద్ద ర్యాలీ సందర్భంగా కల్పించనున్నారు. అలాగే ఆగస్టు 13న ఉదయం 10 గంటల నుంచి సాయంత్రం 4 గంటల వరకు బహ్రెయిన్‌లోని ఐకానిక్ ల్యాండ్‌మార్క్‌లలో ట్రోఫీతో అభిమానులు ఫోటోలు దిగేలా ఏర్పాట్లు చేసినట్లు వివరించారు. అదే రోజు సాయంత్రం సాయంత్రం 5 గంటల నుంచి రాత్రి 7 గంటల వరకు అభిమానుల కార్యకలాపాలతో డానా మాల్ వద్ద ట్రోఫీ ప్రదర్శన ఉంటుందన్నారు.