ఏ.ఎం.రత్నం నిర్మాణంలో ‘హరి హరవీరమల్లు’ సినిమా రూపొందుతోన్న సంగతి తెలిసిందే. క్రిష్ జాగర్లమూడి ఈ చిత్రానికి దర్శకుడు. పీరియాడిక్ బ్యాక్ డ్రాప్‌లో ఈ సినిమా రూపొందుతోన్న సంగతీ తెలిసిందే. అయితే, ప్రస్తుతం పవన్ కళ్యాణ్ రాజకీయ బిజీ షెడ్యూల్స్ కారణంగా ఈ సినిమా హోల్డ్‌లో పడింది.

కానీ, డైరెక్టర్ క్రిష్‌కీ, నిర్మాత ఏఎం రత్నానికీ పవన్‌తో విభేధాల కారణంగానే ఈ ప్రాజెక్ట్ హోల్డ్‌లో పడిందన్న దుష్ప్రచారం జరుగుతోంది. అయితే, ‘బ్రో’ ప్రీ రిలీజ్ ఫంక్షన్‌కీ, ఏ.ఎం రత్నం హాజరవడం.. పాజిటివ్‌గా కనిపించడంతో వీరిద్దరి మధ్య ఎలాంటి విబేధాలు లేవనీ తేలింది.

కానీ, క్రిష్ మాత్రం ఇంకా దాగుడుమూతలాడుతున్నాడు ఎందుకో. అంతేకాదు, రీసెంట్‌గా ఓ యంగ్ హీరోతో క్రిష్ సినిమా అనౌన్స్ చేసేందుకు సిద్ధమయ్యాడన్న తాజా గాసిప్ కూడా తెర పైకి వచ్చింది. ఈ పరిణామాల మధ్య అసలు క్రిష్‌కీ, పవన్‌కీ మధ్య ఏం జరుగుతోందన్న విషయం తేలాల్సి వుంది.