కువైట్: జహ్రా భద్రతా అధికారులు ఒక ఆసియా డ్రైవర్‌ను అదుపులోకి తీసుకున్నారు. అతని వ్యాన్‌లో 1,100 పైగా స్థానికంగా తయారు చేసిన మద్యం సీసాలను సీజ్ చేశారు. అధికారులు తెలిపిన వివరాల ప్రకారం, అతను నడుపుతున్న వ్యాన్ ప్రమాదానికి గురైంది.  డ్రైవర్ సంఘటన స్థలం నుండి పారిపోవడానికి ప్రయత్నించాడు. అయితే పోలీసులు అతడిని అరెస్టు చేయగా వ్యాన్‌లో స్థానికంగా తయారైన 1,100 మద్యం సీసాలు ఉన్నట్లు గుర్తించారు. నిందితులపై చట్టపరమైన చర్యలు తీసుకోనున్నట్లు తెలిపారు.