దోహా: ఆఫ్రికన్ నైట్ ఆఫ్ లాఫ్టర్‌లో టాప్ ఆఫ్రికన్ హాస్యనటులు మిస్టర్ ఫన్నీ (నైజీరియా), కు మమ్మిటో యునిస్(కెన్యా) పాల్గొని సందడి చేశారు. గురువారం హాలిడే ఇన్ హోటల్‌లో జరిగిన ఈ కార్యక్రమంలో దక్షిణాఫ్రికా రాయబారి హెచ్‌ఈ గులాం హుస్సేన్, కెన్యా రాయబారి హెచ్‌ఈ బోనిఫేస్ మ్విలు, నైజీరియా, ఘనా, రువాండా, ఉగాండా రాయబార కార్యాలయాల ప్రతినిధులు పాల్గొన్నారు. ఈ సందర్భంగా అంబాసిడర్ గులామ్ మాట్లాడుతూ..  ఈ కార్యక్రమాన్ని ఏర్పాటు చేసినందుకు నిర్వాహకులను అభినందించారు. ఆఫ్రికా తన ప్రతిభను, హాస్యాన్ని ప్రదర్శించడానికి ఇది ఒక అవకాశం అన్నారు. ఈ కార్యక్రమంలో ఆఫ్రికన్లు, ఆసియన్లు, యూరోపియన్లు, అమెరికన్లతో సహా ఖతార్ ఉంటున్న వివిధ దేశాల వారు పాల్గొని ఆస్వాదించారు.  ఆఫ్రికన్ నైట్ ఆఫ్ లాఫ్టర్‌ను ఓరిక్స్ గ్రూప్ ఎంటర్‌టైన్‌మెంట్ నిర్వహించగా.. ఖతార్ టూరిజం స్పాన్సర్ చేసింది.