అమ్మాన్: పాలస్తీనాలో మొదటి రాయబారిని సౌదీ అరేబియా ప్రకటించింది. ఈ క్రమంలో పాలస్తీనాకు సౌదీ అరేబియా నియమించిన మొదటి రాయబారి నైఫ్ బిన్ బందర్ అల్-సుదైరి శనివారం పాలస్తీనా అధికారులకు తన ధ్రువపత్రాల లేఖను సమర్పించారు. జోర్డాన్‌లోని పాలస్తీనా రాయబార కార్యాలయంలో దౌత్య వ్యవహారాల కోసం అధ్యక్షుడు మహమూద్ అబ్బాస్ సలహాదారు మజ్దీ అల్-ఖలిదీకి రాయబారి అల్-సుదైరీ ఆధారాల లేఖను అందజేశారు. త్వరలోనే పాలస్తీనా అధ్యక్షుడికి అసలు ధ్రువపత్రాలు అందజేయనున్నారు. అల్-సుదైరి పాలస్తీనాలో సౌదీ అరేబియా నాన్-రెసిడెంట్ రాయబారిగా, జెరూసలేంలో కాన్సుల్ జనరల్‌గా వ్యవహరిస్తారు. అల్-సుదైరి అమ్మాన్‌కు సౌదీ రాయబారిగా కూడా పనిచేస్తున్నారు.