రియాద్: డిజిటలైజేషన్, ఎలక్ట్రానిక్ తయారీ, ఇన్నోవేషన్ రంగాలలో వ్యూహాత్మక భాగస్వామ్యం కోసం భారతదేశంతో ఒక ఒప్పందంపై సౌదీ అరేబియా కమ్యూనికేషన్స్ మరియు ఇన్ఫర్మేషన్ టెక్నాలజీ మంత్రిత్వ శాఖ (MCIT) సంతకం చేసింది. ఈ ఒప్పందంపై MCIT మంత్రి అబ్దుల్లా అల్-సవాహా,  భారత రైల్వేలు, కమ్యూనికేషన్స్, ఎలక్ట్రానిక్స్ & ఇన్ఫర్మేషన్ టెక్నాలజీ మంత్రి అశ్విని వైష్ణవ్ లు సంతకాలు చేశారు.  ఒప్పందం ప్రకారం.. డిజిటల్ ఆర్థిక వ్యవస్థ, ఇ-ఆరోగ్యం మరియు ఇ-లెర్నింగ్ రంగాలలో పరిశోధన, డిజిటల్ ఆవిష్కరణ, అభివృద్ధి చెందుతున్న సాంకేతికతలను మెరుగుపరచడానికి ప్రయత్నిస్తుంది. ఇది సౌదీ డిజిటల్ ఆర్థిక వ్యవస్థ వృద్ధిని మెరుగుపరుస్తుందని సౌదీ మంత్రి అన్నారు.  డిజిటల్ ఆర్థిక వ్యవస్థ మరియు ఆవిష్కరణలకు సంబంధించిన దేశ లక్ష్యాలకు మద్దతు ఇస్తుందని, ఇది కింగ్‌డమ్ విజన్ 2030ని సాధించడంలో దోహదపడుతుందని పేర్కొన్నారు.