యూఏఈ: దుబాయ్ ఎలక్ట్రిసిటీ అండ్ వాటర్ అథారిటీ (DEWA) తన వర్చువల్ ఉద్యోగి రామ్‌మాస్ ప్రయోగం విజయవంతంగా కొనసాగుతుందని ప్రకటించింది. అథారిటీ సీఈఓ సయీద్ మొహమ్మద్ అల్ టేయర్ మాట్లాడుతూ.. కస్టమర్ అనుభవాన్ని మెరుగుపరచడానికి ఈ ప్రయోగం దోహదపడిందని పేర్కొన్నారు. వినియోగదారుల విచారణలను మెరుగ్గా అర్థం చేసుకోవడంలో వర్చువల్ ఎంప్లాయ్ కు ChatGPT ఉపయోగపడిందని తెలిపారు. ఏప్రిల్ నెల నుంచి వర్చువల్ ఉద్యోగి రామ్‌మాస్ పైలట్ ప్రాజెక్టుగా చేపట్టినట్లు తెలిపారు.  అందుబాటులో ఉన్న డేటా మరియు సమాచారం ఆధారంగా కస్టమర్ విచారణలను నేర్చుకునేందుకు, అర్థం చేసుకోవడానికి మరియు విశ్లేషించడానికి రామ్మాస్ సామర్థ్యాన్ని చాట్‌జిపిటి మెరుగుపరుస్తుందని, దీంతో తక్షణమే మరియు ఖచ్చితంగా ప్రతిస్పందిస్తుందని వివరించారు. ఈ ఏడాది మొదటి 6 నెలల్లో DEWA వెబ్‌సైట్ మరియు స్మార్ట్ యాప్ ద్వారా 32,084 ప్రశ్నలకు సమాధానమిచ్చినట్టు తెలిపారు. చాట్‌జిపిటిని పైలట్ వినియోగిస్తున్న సమయంలో రామ్‌మాస్ సేవల పట్ల కస్టమర్ సంతోషం 90 శాతానికి చేరుకుందని ఆయన పేర్కొన్నారు.