‘డీజె టిల్లు’ సినిమాతో ముద్దుగుమ్మ నేహా శెట్టికి మంచి పేరొచ్చింది. ఈ అమ్మడు ‘మెహబూబా’ సినిమాతో తెలుగు ప్రేక్సకులకు పరిచయమైంది. తొలి సినిమా నెగిటివ్ రిజల్ట్ ఇచ్చినప్పటికీ, మలి సినిమా ‘డీజె టిల్లు’తో తెగ పాపులర్ అయిపోయింది నేహా శెట్టి.

ముఖ్యంగా ఆమె పాత్ర పేరు యూత్‌కి బాగా కనెక్ట్ అయిపోయింది. ‘రాధిక’ అనే పేరుతో హీరో సిద్దు జొన్నల గడ్డ చేసిన కామెడీ అంతా ఇంతా కాదు. తెగ వైరల్ అయ్యింది దాంతో, ఈ క్యారెక్టర్ పోషించిన నేహా శెట్టి.

ఆ తర్వాత పెద్దగా ఆఫర్లు దక్కకపోయినా, సోషల్ మీడియాలో క్రేజ్ దక్కించుకుంది. తాజాగా ‘బెదురులంక 2012’ సినిమాలో నటిస్తోంది. కార్తికేయ హీరో. ఈ శుక్రవారం ‘బెదురులంక’ సినిమాతో ప్రేక్షకుల ముందుకు రాబోతున్న నేహాశెట్టికి మరో ఆఫర్ దక్కింది.

డీజె టిల్లుకు సీక్వెల్‌గా ‘టిల్లు స్క్వేర్’ తెరకెక్కుతోన్న సంగతి తెలిసిందే. అనుపమ పరమేశ్వరన్ ఈ సినిమాలో మెయిన్ లీడ్ హీరోయిన్‌గా నటిస్తుండగా, నేహా శెట్టి గెస్ట్ రోల్‌లో స్టన్నింగ్ పాత్రలో కనిపించబోతోందట. ఆల్రెడీ దీనికి సంబంధించిన షూటింగ్ పార్ట్ కూడా కంప్లీట్ అయిపోయిందని తెలుస్తోంది. సెప్టెంబర్ 15న ఈ సినిమా ప్రేక్షకుల ముందుకు రాబోతోంది.