కువైట్‌: గల్ఫ్ దేశ అంతర్గత వ్యవహారాల మంత్రిత్వ శాఖ ప్రకారం.. కువైట్‌లో జరిగిన ఘోర ప్రమాదంలో ఇద్దరు మరణించిగా.. మరో ఇద్దరు గాయపడ్డారు. గురువారం తెల్లవారుజామున 3.17 గంటలకు ఈ ప్రమాదం జరిగింది. ప్రమాదంలో ఇద్దరు స్పాట్ లోనే మృతి చెందగా.. మరో ఇద్దరు తీవ్రంగా గాయపడ్డారు.ప్రమాదానికి కారణమైన డ్రైవర్ ఫాతిమా అల్ మోమెన్ గా గుర్తించారు. ఆమెకు సోషల్ మీడియా ఫాలోయింగ్ గణనీయంగా ఉంది. ఆమె డ్రగ్స్‌ మత్తులో డ్రైవింగ్ చేసి ప్రమాదానికి కారణమైనట్లు తెలుస్తోంది. ఆమె కోలుకున్నాక అరెస్ట్ చేసి కోర్టులో ప్రవేశపెట్టనున్నట్లు అధికారులు తెలిపారు.  ఆమెపై హత్య, మద్యం మత్తులో డ్రైవింగ్ , నిర్దేశించిన వేగ పరిమితిని మించడం, సిగ్నల్ జంప్,  నిర్లక్ష్యంగా వాహనం నడపడం, గడువు ముగిసిన బీమాతో వాహనం నడపడం, ఇతరుల ఆస్తులకు నష్టం కలిగించడం, ప్రజా ఆస్తులకు నష్టం కలిగించడం  వంటి అభియోగాలను మోపినట్లు అంతర్గత వ్యవహారాల మంత్రిత్వ శాఖ  తెలిపింది.