కువైట్: ఆదివారం ఉదయం ఫిలిప్పీన్స్ జాతీయుడు హత్య కేసులో ఆరోపణలు ఎదుర్కొంటున్న ప్రవాస భారతీయుడు ఆస్పత్రిలో చికిత్స పొందుతూ మరణించాడు. ఈ మేరకు కువైట్ భద్రతా వర్గాలు తెలిపాయి. ఒమారియా ప్రాంతంలోని తన గదిలో  ఫిలిప్పీన్స్ స్నేహితుడిని చంపిన తర్వాత భారతీయ స్నేహితుడు ఆత్మహత్యకు ప్రయత్నించాడని అధికారులు తెలిపారు. అయితే ఘటనా స్థలానికి చేరుకున్న పోలీసులు అతడిని ఆస్పత్రికి తరలించగా.. అక్కడ చికిత్స పొందుతూ మృతి చెందాడు. ఫిలిప్పీన్స్ జాతీయుడిని హత్య చేసినట్లు అతనిపై అభియోగాలను భద్రతా అధికారులు నమోదు చేశారు.