కొరటాల శివ దర్శకత్వంలో ఎన్టీఆర్‌ కథానాయకుడిగా నటిస్తున్న చిత్రం 'జనతా గ్యారేజ్‌'. ఈ సినిమా ఫస్ట్‌లుక్‌ విడుదలైంది. ఎన్టీఆర్‌ తన ట్విట్టర్‌ ఖాతా ద్వారా ఈ విషయాన్ని తెలుపుతూ ఫస్ట్‌లుక్‌ను అభిమానులతో పంచుకున్నారు. ఇందులో ఎన్టీఆర్‌ బైక్‌పై అలా వస్తూ... చాలా అందంగా కనిపించారు. అభిమానులను ఆకట్టుకునేలా ఉంది.
ఈ చిత్రం షూటింగ్‌ ప్రస్తుతం హైదరాబాద్‌లో జరుగుతోంది. మైత్రీ మూవీ మేకర్స్‌ పతాకంపై నిర్మిస్తున్న ఈ చిత్రానికి దేవిశ్రీ ప్రసాద్‌ సంగీతం అందిస్తున్నారు. మలయాళ నటుడు మోహన్‌లాల్‌ చిత్రంలో కీలక పాత్రను పోషిస్తున్నారు. సమంత, నిత్యామేనన్‌ చిత్రంలో కథానాయికలుగా నటిస్తున్నారు.