టాలీవుడ్ స్టార్ హీరోయిన్, అభిమానుల మనసుల్లో స్వీటీగా ముద్ర వేయించుకున్న అనుష్క శెట్టి, ఇటీవలే ‘మిస్ శెట్టి మిస్టర్ పోలిశెట్టి’ సినిమాతో సెకండ్ ఇన్నింగ్స్ స్టార్ట్ చేసిన సంగతి తెలిసిందే.

గత మూడేళ్లకు పైగా అనుష్క సినిమాలకు దూరమైంది. భారీగా బరువు పెరగడం, ఇతరత్రా అనారోగ్య కారణాలతో అనుష్క సినిమాలకు దూరంగా వుంటూ వస్తోంది.

అయితే, తాజాగా నవీన్ పోలిశెట్టి కాంబినేషన్‌లో వచ్చిన ‘మిస్ శెట్టి మిస్టర్ పోలిశెట్టి’ సినిమా అనుష్కకి మంచి కమ్ బ్యాక్ అయిన సంగతి తెలిసిందే.

ఈ సినిమాతో పాటూ, అనుష్క ఓ మలయాళ చిత్రంలోనూ నటిస్తోంది. ‘కాథాకార్’ అనే టైటిల్‌తో రూపొందుతోన్న మలయాళ చిత్రంలో అనుష్క నటిస్తోంది. ఈ సినిమాలో అనుష్క నెగిటివ్ రోల్ పోషిస్తోందనీ అంటున్నారు. త్వరలోనే ఈ సినిమా ప్రేక్షకుల ముందుకు రానుందట. 

ఇంతవరకూ హీరోయిన్‌గా, లేడీ ఓరియెంటెడ్ సినిమాలతోనూ స్టార్‌డమ్ సంపాదించుకున్న అనుష్క నెగిటివ్ రోల్‌లో ఎలా వుండబోతోందో చూడాలి మరి.