‘బేబీ’ సినిమాతో సూపర్ డూపర్ హిట్టు కొట్టి సెటిల్డ్ పర్‌ఫామ్‌డ్ హీరో అనిపించుకున్న కుర్రాడు ఆనంద్ దేవరకొండ. ఇంతవరకూ విజయ్ దేవరకొండ తమ్ముడిగా ఆ ట్యాగ్‌తోనే చెలామణీ అయ్యాడు. ఇప్పుడు కుర్రాడి టాలెంట్ బయట పడింది ‘బేబీ’ సినిమాతో.

దాంతో, ఆనంద్ దేవరకొండ సెపరేట్‌గా తన ప్లాట్ ఫామ్ సిద్ధం చేసుకుంటున్నాడనిపిస్తోంది. ‘బేబీ’ తర్వాత వరుసగా కథలను సెట్ చేసి పెట్టాడట. ‘బేబీ’ టైమ్‌లోనే ‘గం గం గణేశా’ సినిమా పూర్తి చేసేశాడు ఆనంద్ దేవరకొండ.

ఇదో కాన్సెప్ట్ మూవీ అని తెలుస్తోంది. ఈ సినిమాని నవంబర్‌లో రిలీజ్ చేసేందుకు సన్నాహాలు చేస్తున్నారు. కాగా, ఈ సినిమా తర్వాత మరో రెండు సినిమాల్ని అనౌన్స్‌ చేసేందుకు సిద్ధంగా వున్నాడట ఆనంద్ దేవరకొండ. 

అనౌన్స్ చేయడంతో పాటూ, త్వరలోనే ఆ సినిమాల్ని పట్టాలెక్కించేసి, ‘బేబీ’తో వచ్చిన క్రేజ్‌ని కంటిన్యూ చేయాలనుకుంటున్నాడట. చూడాలి మరి.