కెనడా: 2026లో 25వ ప్రపంచ పెట్రోలియం సదస్సును సౌదీ అరేబియా నిర్వహించనుంది. ఈ మేరకు ప్రపంచ పెట్రోలియం కౌన్సిల్ ప్రెసిడెంట్ పెడ్రో మిరాస్‌తో సౌదీ ఇంధన మంత్రి ప్రిన్స్ అబ్దుల్ అజీజ్ బిన్ సల్మాన్ అవగాహన ఒప్పందాన్ని కుదుర్చుకున్నారు. ప్రపంచ పెట్రోలియం కాన్ఫరెన్స్ ఆర్గనైజింగ్ కమిటీ.. సౌదీ అరేబియాలో 25వ ఎడిషన్ కాన్ఫరెన్స్,  2026లో రియాద్‌లో ఎగ్జిబిషన్‌ను నిర్వహించేందుకు వేసిన బిడ్‌ను అంగీకరించింది. గత అక్టోబర్‌లో కజకిస్థాన్‌లోని అల్మాటీలో వరల్డ్ పెట్రోలియం కౌన్సిల్ నిర్వహించిన యూత్ కాన్ఫరెన్స్ సందర్భంగా ఈ ముఖ్యమైన నిర్ణయం తీసుకున్నారు. 

ప్రపంచ పెట్రోలియం కాన్ఫరెన్స్, దానితో పాటు ప్రతి మూడు సంవత్సరాలకు ఒకసారి జరిగే ప్రదర్శన వివిధ ఇంధన రంగాలలో సహకారాన్ని పెంపొందించడానికి.. పరిశ్రమ ఎదుర్కొంటున్న కీలక సవాళ్లను పరిష్కరించడానికి అంతర్జాతీయ సంస్థలను ఒకచోట చేర్చే ప్రముఖ ప్రపంచ ఈవెంట్‌ గా గుర్తింపు ఉంది.