యూఏఈ: అక్టోబర్ 14 న సూర్యగ్రహణం సంభవిస్తుంది. ఈ సందర్భంగా చంద్రుడు సూర్యుని ముందుకు వచ్చి  దానిని పాక్షికంగా కప్పివేస్తాడు. దీంతో సూర్యకాంతి అద్భుతమైన వలయాన్ని సృష్టిస్తుంది. దీనినే 'రింగ్ ఆఫ్ ఫైర్' అంటారు. అయితే, ఈసారి దీనిని చూడాలంటే మాత్రం అమెరికా వెళ్లాల్సిందే. ఎందుకంటే 'రింగ్ ఆఫ్ ఫైర్' సూర్యగ్రహణం అరబ్ ప్రాంతంలో కనిపించే అవకాశం లేదని  దుబాయ్ ఆస్ట్రానమీ గ్రూప్ సీఈఓ హసన్ అల్ హరీరి తెలిపారు. గతంలో ఈ అద్భుత దృశ్యం యూఏఈలో కనిపించిందని గుర్తుచేశారు. సూర్యగ్రహణం యూఎస్ పశ్చిమ తీరంతో స్పష్టంగా కనిపిస్తుందని తెలిపారు. కానీ రింగ్ ఆఫ్ ఫైర్ ని దుబాయ్ ఆస్ట్రానమీ గ్రూప్ యూట్యూబ్ ఛానెల్‌తో పాటు ఇతర సోషల్ మీడియా హ్యాండిల్స్‌లో ప్రత్యక్ష ప్రసారం చేయనున్నట్లు వెల్లడించింది.