కువైట్: కువైటీల ఉద్యోగాల కోసం అంతర్గత మంత్రిత్వ శాఖ 800 మందికి పైగా ప్రవాసుల సేవలను రద్దు చేసింది. నివేదిక ప్రకారం.. తొలగించబడిన ప్రవాసులలో ఎక్కువ మంది అరబ్ జాతీయులు ఉన్నారు. వారందరు పరిపాలనా రంగంలో పనిచేస్తున్నారు.వారిలో కొందరు న్యాయ సలహాదారుల స్థానాల్లో ఉన్నారు. తొలగించబడిన 800 మంది కార్మికులు మొదటి బ్యాచ్‌కు అని,  రాబోయే నెలల్లో మరో బ్యాచ్‌ సేవలను కూడా రద్దు చేయనున్నట్లు మంత్రిత్వ శాఖ వెల్లడించింది. ట్రాఫిక్ డిపార్ట్‌మెంట్ వంటి సున్నితమైన రంగాలలో ప్రవాస కార్మికులను భర్తీ చేయడమే లక్ష్యం అని నివేదికలు సూచించాయి.