హైదరాబాద్‌: ఖానాపూర్ ఎమ్మెల్యే రేఖానాయక్ బిఆర్ఎస్ పార్టీకి రాజీనామా ప్రకటించారు. శుక్రవారం ఖానాపూర్ లో మీడియాతో మాట్లాడిన ఆమె బిఆర్ఎస్ పై తీవ్ర విమర్శలు చేశారు. బిఆర్ఎస్‌లో మహిళలకు విలువ లేదంటూ కంటతడి పెట్టారు. ఒంటరిగా పోటీ చేసి.. తన సత్తా ఎంటో చూపిస్తానని సవాల్ విసిరారు. రెవెన్యూ డివిజన్ అడిగితే ఇవ్వలేదని… కాళ్లు మొక్కినా కనికరించ లేదని వాపోయారు. తననే కాదు ఖానాపూర్ ప్రజలను బిఆర్ఎస్ మోసం చేసిందన్నారు. మహిళలకు బిఆర్ఎస్ లో చోటు లేదని… అందుకే రాజీనామా చేస్తున్నానని చెప్పారు. ఖానాపూర్‌ గడ్డ.. రేఖానాయక్‌ అడ్డా అని… ఇక్కడ మరో నేతను గెలవనివ్వనంటూ కామెంట్స్ చేశారు.