అందాల భామ శృతి హాసన్‌ని త్వరలో ఓ హాలీవుడ్ సినిమాలో చూడబోతున్నామన్న సంగతి తెలిసిందే. ‘ది ఐ’ టైటిల్‌తో రూపొందుతోన్న ఈ సినిమాలో శృతి హాసన్ సాహసోపేతమైన పాత్రలో నటించబోతోందని తెలుస్తోంది.

అయితే, సాహసాలతో పాటూ, శృతి హాసన్ శృతి మించిన రొమాంటిక్ సన్నివేశాల్లోనూ కనిపించబోతోందట ఈ సినిమాలో. అసలే హాలీవుడ్ మూవీ. రొమాన్స్ డబుల్, ట్రిపుల్ రేంజ్‌లోనే వుంటుంది.

ఇక, శృతి హాసన్‌కీ అలాంటి సీన్లలో నటించకూడదన్న హద్దులేమీ లేవాయె. అందుకే హాలీవుడ్ హీరో మార్క్ రౌలీతో ఇంటిమేట్ సీన్లలో తెగ నటించేసిందట. బెడ్ రూమ్ సీన్లలో శృతి పండించిన హాట్ అప్పీల్ ఈ సినిమాకి ప్లస్ పాయింట్ కానుందనీ అంటున్నారు.

అయితే, వన్స్ క్లిక్ అయ్యిందంటే చాలు.. శృతి హాసన్‌కి ఇంగ్లీష్‌లో ఇలాంటి అవకాశాలు పోటెత్తడం ఖాయం. అప్పట్లో ఈ తరహా ప్రచారంతోనే దేశీ బ్యూటీ ప్రియాంకా చోప్రా కూడా హాలీవుడ్‌లో అంత ఫేమస్ అయిపోయింది. ఇప్పుడు ఆ వంతు శృతి హాసన్‌ని వరించినట్లుంది. చూడాలి మరి, ఏ రేంజ్‌లో సక్సెస్ అవుతుందో.!