రియాద్: అంతర్జాతీయ ద్రవ్య నిధి (IMF) 2024లో సౌదీ అరేబియా ఆర్థిక వ్యవస్థ (స్థూల దేశీయోత్పత్తి -GDP) వృద్ధి కోసం తన అంచనాలను నాలుగు శాతానికి పెంచింది. మంగళవారం విడుదల చేసిన తాజా వరల్డ్ ఎకనామిక్ ఔట్‌లుక్ నివేదికలో, 2023లో సౌదీ ఆర్థిక వృద్ధి అంచనాను 1.1 శాతం నుంచి 0.8 శాతానికి IMF తగ్గించింది. ఫండ్ యొక్క తాజా అంచనాల ప్రకారం.. ప్రపంచ ఆర్థిక వ్యవస్థ కుంటుపడుతోంది. ప్రపంచ ఆర్థిక వృద్ధి 2022లో 3.5 శాతం నుండి ఈ సంవత్సరం 3 శాతానికి,  వచ్చే ఏడాది 2.9 శాతానికి మందగిస్తుంది. జూలైలో విడుదల చేసిన దాని మునుపటి అంచనా ప్రకారం.. 2024కి 0.1 శాతం పాయింట్ డౌన్‌గ్రేడ్ ఉంది. ద్రవ్య విధానాన్ని కఠినతరం చేయడం,  అంతర్జాతీయ వస్తువుల ధరల క్షీణత కారణంగా 2022లో 8.7 శాతం ఉన్న ప్రపంచ ద్రవ్యోల్బణం ఈ ఏడాది 6.9 శాతానికి, ఆపై 2024లో 5.8 శాతానికి తగ్గుతుందని IMF సూచించింది. ప్రపంచ ఆర్థిక వ్యవస్థను మాంద్యంలోకి నెట్టకుండా ద్రవ్యోల్బణాన్ని నియంత్రించడానికి సెంట్రల్ బ్యాంకులకు మంచి అవకాశాలు ఉన్నాయని పేర్కొంది.