బుల్లితెర గేమ్ షో బిగ్‌బాస్ తెలుగు ఏడో సీజన్ ‘ఉల్టా ఫుల్టా’ కాన్సెప్ట్ ఒకింత జోరుగానే సాగుతోందని చెప్పొచ్చేమో. 14 మంది కంటెస్టెంట్లతో స్టార్ట్ చేసిన బిగ్‌బాస్ షో నుంచి ఐదు వారాల్లో ఐదుగురిని ఎలిమినేట్ చేసేశాడు. దాంతో, బిగ్‌బాస్ ఇక చూడడం వేస్ట్ అనుకున్నారు వీక్షకులు.

ఆ లోపే బిగ్‌బాస్ 2.0 అంటూ మరో ఐదుగురు కొత్త కంటెస్టెంట్లను లోపలికి పంపించి షాకిచ్చాడు హోస్ట్ నాగార్జున. ఆల్రెడీ హౌస్‌లో వున్నవాళ్లని ఆటగాళ్లుగా.. కొత్తగా లోపలికి వెళ్లిన వాళ్లని పోటుగాళ్లుగా విభజించి టాస్కులు కండెక్ట్ చేస్తున్నాడు బిగ్‌బాస్.

ఓకే.! 2.0 ఒకింత ఆసక్తికరంగానే సాగుతోంది. అయితే, టాస్కుల్లో ఇంకాస్త పస పెంచితే బావుంటుందన్న అభిప్రాయాలు వ్యక్తమవుతున్నాయ్. అన్నట్లు ఆల్రెడీ బిగ్‌బాస్ కంటెస్టెంట్ అయిన గౌతమ్‌ని ఎలిమినేట్ చేసినట్లే చేసి, సీక్రెట్ రూమ్‌లో వుంచి రెండు రోజుల తర్వాత హౌస్‌లోకి పంపించి పోటుగాళ్ల టీమ్‌తో చేర్చాడు.

గౌతమ్ 2.0 తనదైన ఆటతో పవర్ ప్రదర్శిస్తున్నాడు. అలాగే, పోటుగాళ్ల రాకతో ఒకింత హౌస్‌లోనూ అలజడి రేకెత్తడంతో పాటూ, వీక్షకులకి కావల్సిన కంటెంట్ అయితే అందుతోందన్న అభిప్రాయాలున్నాయ్. అయితే, ‘2.0’ అన్నాకా.. ఇది మాత్రమే చాలదు ఇంకా కొంచెం కావాలి. లెట్స్ థింక్ వన్స్ బిగ్‌బాస్.!