యూఏఈ: ఎమిరేట్స్ ఎయిర్‌లైన్ ఇజ్రాయెల్‌కు వెళ్లే విమానాల నిలిపివేతను పొడిగించింది. అక్టోబరు 26 వరకు టెల్ అవీవ్‌కు విమాన సర్వీసులను నిలిపివేసినట్లు దుబాయ్‌కి చెందిన క్యారియర్ ఎమిరేట్స్ తెలిపింది. ఎయిర్‌లైన్ గతంలో అక్టోబర్ 20 వరకు విమానాలను నిలిపివేసింది.   “మేము ఇజ్రాయెల్‌లో పరిస్థితిని నిశితంగా పరిశీలిస్తున్నాము.  సంబంధిత అధికారులతో సన్నిహితంగా ఉన్నాము. మా కస్టమర్‌లు, సిబ్బంది మరియు వాటాదారుల భద్రతే మా ప్రథమ ప్రాధాన్యత’’ అని ఎమిరేట్స్ తన ప్రకటనలో తెలిపింది. సస్పెన్షన్ ద్వారా ప్రభావితమైన కస్టమర్‌లు ప్రత్యామ్నాయాలు, రీఫండ్‌లు, రద్దులు లేదా వారి విమాన ప్రయాణాలను రీబుక్ చేయడం కోసం వారి బుకింగ్ ఏజెంట్‌లను సంప్రదించాలని సూచించారు.  మరోవైపు అబుదాబికి చెందిన ఎతిహాద్ ఎయిర్‌వేస్ షెడ్యూల్ ప్రకారం ఇజ్రాయెల్‌కు నడుపుతున్నట్లు తెలిపింది.