మస్కట్: కల్తీ అని అనుమానిస్తున్న కాస్మెటిక్ ఇంజెక్షన్ మెడికల్ డ్రగ్స్ నమూనాలను స్వాధీనం చేసుకున్నట్టు ఒమన్ ఆరోగ్య మంత్రిత్వ శాఖ (MoH) తెలిపింది. ఈ కేసుకు సంబంధించి ఒక ప్రైవేట్ ఆరోగ్య సంస్థను పబ్లిక్ ప్రాసిక్యూషన్‌కు రిఫర్ చేసినట్లు పేర్కొంది. ఫార్మసీ అండ్ డ్రగ్ కంట్రోల్ జనరల్ డైరెక్టరేట్ వెల్లడించిన వివరాల ప్రకారం.. ఔషధాలు అధికారిక మార్గాల ద్వారా దిగుమతి కాలేదని గుర్తించారు. ఆరోగ్య మంత్రిత్వ శాఖ నిర్వహించిన తనిఖీల సందర్భంగా నమూనాలను స్వాధీనం చేసుకున్నట్లు తెలిపారు.  ఒమన్ సుల్తానేట్‌లో అనుసరించిన ఆరోగ్య నిబంధనలు, విధానాలు,  నివారణ చర్యలను ఉల్లంఘించినట్లు నిరూపితమైన పక్షంలో అనేక ఆరోగ్య కేంద్రాలు, కాంప్లెక్స్‌లపై ఆరోగ్య మంత్రిత్వ శాఖ భారీ జరిమానాలు విధిస్తుంది.