రియాద్: 1967 సరిహద్దులతో పాలస్తీనా రాజ్యాన్ని ఏర్పాటు చేయడం ద్వారా మధ్యప్రాచ్య సంఘర్షణకు న్యాయమైన పరిష్కారాన్ని నిర్ధారించే విధంగా గాజాలో స్థిరత్వం,  శాశ్వత శాంతికి దారితీసే పరిస్థితులను సృష్టించాలని సౌదీ క్రౌన్ ప్రిన్స్ మొహమ్మద్ బిన్ సల్మాన్ పిలుపునిచ్చారు. ఏ నెపంతోనైనా పౌరులను లక్ష్యంగా చేసుకోవడాన్ని తప్పుబట్టారు. అంతర్జాతీయ మానవతా చట్టానికి అందరూ కట్టుబడి ఉండాలని కోరారు. పౌరుల జీవితాలను నేరుగా ప్రభావితం చేసే వారి మౌలిక సదుపాయాలపై సైనిక కార్యకలాపాలను నిలిపివేయాలని కోరారు. శుక్రవారం రియాద్‌లో జరిగిన జిసిసి-ఆసియాన్ సదస్సులో ఆయన పాల్గొని మాట్లాడారు. గల్ఫ్ సహకార మండలి (జిసిసి) మరియు ఆగ్నేయాసియా దేశాల సంఘం (ఆసియాన్) రియాద్ సమ్మిట్‌కు ప్రిన్స్ మొహమ్మద్ అధ్యక్షత వహించారు. "GCC-ASEAN దేశాలు ఆర్థిక అభివృద్ధిలో ఒక మైలురాయిని సాధించాయి. మన దేశాల సామూహిక GDP $7.8 ట్రిలియన్లకు మించిపోయింది. ప్రపంచ GDPకి మా దేశాల సహకారాన్ని పెంచిన ఆర్థిక వృద్ధిని మేము చూశాము. GCC ఆర్థిక వ్యవస్థలు,ASEAN దేశాలు 2022లో వరుసగా 7.3% మరియు 5.7% వృద్ధి చెందాయి. మరింత సంపన్నమైన ఆర్థిక వ్యవస్థ కోసం కలిసి పనిచేయాలి." అని పిలుపునిచ్చారు.