స్టైలిష్‌ స్టార్‌ అల్లు అర్జున్‌ ప్రస్తుతం విహారయాత్రలో ఉన్నారు. భార్య స్నేహారెడ్డితో కలిసి కశ్మీర్‌కు విహారయాత్ర కోసం వెళ్లినట్లు బన్నీ సోషల్‌మీడియా ద్వారా తెలిపారు. ఈ సందర్భంగా స్నేహారెడ్డితోపాటు కొందరితో కలిసి దిగిన ఫొటోను అభిమానులతో పంచుకున్నారు. అల్లు అర్జున్‌ కథానాయకుడిగా తాజాగా విడుదలైన 'సరైనోడు' చిత్రం మంచి వసూళ్లనే రాబడుతోంది. బోయపాటి శ్రీను దర్శకత్వం వహించిన ఈ చిత్రాన్ని గీతా ఆర్ట్స్‌ పతాకంపై అల్లు అరవింద్‌ నిర్మించారు.