బహ్రెయిన్: ఆరోగ్య మంత్రిత్వ శాఖ ఉన్నత స్థాయి అధికారులు,  మంత్రిత్వ శాఖ ఉద్యోగుల భాగస్వామ్యంతో బ్రెస్ట్ క్యాన్సర్ గురించి అవగాహన దినోత్సవాన్ని నిర్వహించారు. ఆరోగ్య మంత్రి డాక్టర్ జలీలా బింట్ అల్ సయ్యద్ జవాద్ హసన్, అండర్ సెక్రటరీ డాక్టర్ వాలిద్ ఖలీఫా అల్ మనా మరియు పబ్లిక్ హెల్త్ అసిస్టెంట్ అండర్ సెక్రటరీ డాక్టర్ ఇజ్లాల్ అల్-అలావితో పాటు ఇతర మంత్రిత్వ శాఖ ఉద్యోగులు ఈ కార్యక్రమంలో పాల్గొన్నారు. ఈ కార్యక్రమంలో బరువు, ఎత్తు, నడుము చుట్టుకొలత మరియు రక్తంలో చక్కెర స్థాయిలు,  అలాగే రొమ్ము క్యాన్సర్ గురించి అవగాహన పెంచడం, రొమ్ము క్యాన్సర్ ప్రమాదాలు-నివారణ మార్గాలు తదితర అంశాలపై బ్రోచర్‌లను విడుదల చేశారు. ఈ సందర్భంగా పలు అవగాహన కార్యక్రమాలను నిర్వహించారు. రొమ్ము క్యాన్సర్ వ్యాప్తిని నివారించడానికి,  ముందస్తుగా గుర్తించడం మరియు నివారణపై దృష్టి సారిస్తుందని ఆరోగ్య మంత్రి డాక్టర్ జలీలా బింట్ అల్ సయ్యద్ జవాద్ హసన్ వెల్లడించారు.  రొమ్ము క్యాన్సర్ మరణాల రేటును తగ్గించడానికి, ఆరోగ్యకరమైన జీవనశైలిని నిర్వహించడానికి కాలానుగుణ నివారణ పరీక్షలు,  రొమ్ము క్యాన్సర్‌ను ముందుగానే గుర్తించడం వంటి ప్రాముఖ్యతను వివరించారు.