‘ఆర్ఆర్ఆర్’ సినిమాతో గ్లోబల్ స్టార్ ఇమేజ్ దక్కించుకున్నారు మెగా పవర్ స్టార్ రామ్ చరణ్. ఆయన నుంచి వచ్చే తదుపరి సినిమాలన్నింటికీ అదే తరహాలో ఎక్స్‌పెక్టేషన్స్ వుండడం సహజమే. రామ్ చరణ్ తాజా చిత్రం ‘గేమ్ ఛేంజర్’. శంకర్ దర్శకత్వంలో ఈ సినిమా తెరకెక్కుతోన్న సంగతి తెలిసిందే.

ఎప్పుడో పూర్తి కావల్సిన ఈ సినిమాని ‘ఇండియన్ 2’ కారణంగా కాస్త వాయిదా వేస్తూ వచ్చారు. ప్రస్తుతం శరవేగంగా షూటింగ్ జరుపుకుంటున్న ఈ సినిమా నుంచి అదిరిపోయే అప్డేట్‌ని సిద్ధం చేశారు శంకర్ అండ్ టీమ్.

ఫస్ట్ సింగిల్ సాంగ్ అది. ‘జరగండి జరగండి..’ అంటూ సాగే ఈ సాంగ్ గురించిన చర్చ ఇప్పుడు ఇండస్ర్టీలో హాట్ టాపిక్ అయ్యింది. అందుకు కారణం ఆ సాంగ్ కోసం ఖర్చు పెట్టిన బడ్జెట్టే అని చెప్పాలి.

దాదాపు 16 కోట్లతో ప్రత్యేకమైన సెట్ వేశారట ఈ పాట కోసం. శంకర్ సినిమాల్లో పాటలంటే ఆ మాత్రం వుండాల్సిందే మరి. అంత ఖర్చు చేసినా.. అది సెట్‌లా అస్సలు కనిపించదట. చాలా నేచురల్ ఆంబియన్స్ వుండబోతోందట ఈ పాటకి.

కైరా అద్వానీ, రామ్ చరణ్‌కి జోడీగా నటిస్తోంది ఈ సినిమాలో. రెండు డిఫరెంట్ వేరియేషన్స్‌లో చరణ్ కనిపించబోతున్నారు ఈ సినిమాలో. ఫ్లాష్ బ్యాక్ ఎపిసోడ్ కోసం పొలిటీషియన్‌గా చరణ్ కనిపించబోతున్నారని ఆల్రెడీ లీకుల ద్వారా అర్ధమైపోయింది. ఇక, ఇప్పుడు అధికారికంగా సినిమా నుంచి అప్డేట్స్ రావడం స్టార్ట్ అయ్యాయ్. ఇక, గ్లోబల్ స్టార్ రామ్ చరణ్ ఈ సినిమా ద్వారా ఎలాంటి ‘గేమ్ ఛేంజింగ్’ స్కిల్స్ చూపించబోతున్నారో లెట్స్ వెయిట్ అండ్ సీ.!