Ramadan to start on June 6: Bahraini astronomer

జూన్‌ 6 నుంచి రమదాన్: బహ్రెయినీ ఆస్ట్రనామర్‌

- May 23, 2016 , by Maagulf

పవిత్ర రమదాన్ ఉపవాస మాసం జూన్‌ 6న ప్రారంభమై, జులై 5న ముగుస్తుందని బహ్రెయిన్‌కి చెందిన సీనియర్‌ ఆస్ట్రనామర్‌ చెప్పారు. బహ్రెయిన్‌ ఆస్ట్రనామికల్‌ సొసైటీ (బిఎఎస్‌) డిప్యూటీ ఛైర్మన్‌ వహీబ్‌ అల్‌ నాసర్‌ మాట్లాడుతూ, ఆదివారం జూన్‌ 5 నుంచి చంద్రుడిలో రమదాన్ మాసం సందర్భంగా మార్పులు చోటుచేసుకుంటాయనీ, ఆ మరుసటి రోజు నుంచి ఉపవాస మాసం ప్రారంభమవుతుందని వివరించారు. తొలి రోజు 15 గంటల 18 నిమిషాలపాటు ఉపవాసం చేయాల్సి ఉంటుందనీ, చివరి రోజు 15 గంటల ఏడు నిమిషాలపాటు ఉపవాసం చేయాలని చెప్పారాయన. బహ్రెయిన్‌లో గత ఏడాది ఉపవాస సమయం 15 గంటల 18 నిమిషాలు తొలి రోజు అనీ, చివరి రోజు 15 గంటల రెండు నిమిషాలు మాత్రమేనని వివరించారు. అయితే, రమదాన్ ప్రారంభం - ముగింపుపై ఎప్పటికప్పుడు వివాదాలు తెరపైకి వస్తుంటాయి. చంద్ర దర్శనాన్ని బట్టి ఉండే ఈ పవిత్ర దినానికి సంబంధించి, వాతావరణ మార్పులు కీలక ప్రభావం చూపిస్తాయి. ఆయా దేశాల్లో చంద్ర దర్శనం జరగడంలో ఆలస్యం ఒక్కోసారి రంజాన్‌ ముందుకి లేదా వెనక్కి జరగడం చూస్తున్నాం. రమదాన్ మాసంలో సూర్యోదయం నుంచి సూర్యాస్తమయం వరకు ముస్లింలు అల్లా సేవలో తరిస్తారు. ఈ సమయంలో భోజనం చేయడం, ఇతర ద్రవపదార్థలను సేవించడం, శారీరక సుఖాల్ని పొందడం వంటివాటికి దూరంగా ఉంటారు.