మస్కట్‌ మునిసిపాలిటీకి చెందిన ఓ టీమ్‌, సెక్యూరిటీ ఏజెన్సీస్‌ సహకారంతో పలువురు వలసదారుల్ని అరెస్ట్‌ చేసింది. అక్రమంగా ఆహార పదార్థాల్ని తయారుచేసి, వెండర్స్‌కి సప్లయ్‌ చేస్తుండగా వీరిని పట్టుకున్నారు. 20 కేజీల మటన్‌, 30 కేజీల స్క్విడ్‌, 20 కేజీల స్పైసెస్‌, 50 కిలోల ఫిష్‌ సహా వంట పాత్రల్ని ఈ సందర్భంగా అధికారులు స్వాధీనం చేసుకున్నారు. స్థానికులు ఇచ్చిన సమాచారంతో, అక్రమంగా నిర్వహిస్తున్న వంట శాలపై అధఙకారులు దాడి చేయడం జరిగింది. ఎలాంటి శుభ్రతా పాటించకుండా తయారు చేస్తున్న ఆహార పదార్థాల్ని రెడ్‌ హ్యాండెడ్‌గా అధికారులు పట్టుకున్నారు. పబ్లిక్‌ హెల్త్‌ సేఫ్టీకి సంబంధించి నిబంధనల్ని ఉల్లంఘించిన వీరిపై కఠిన చర్యలు తీసుకుంటామని అధికారిక వర్గాలు వెల్లడించాయి.