వి.వి.వినాయక్ అంటే.. ఒకప్పుడు తెలుగులో స్టార్ డైరెక్టర్. బోలెడన్ని పవర్ ఫుల్ మాస్ సినిమాలు వచ్చాయ్ ఆయన దర్శకత్వంలో. ‘అఖిల్’ సినిమా వినాయక్‌ని బాగా కుంగదీసిన టైమ్‌లో చిరంజీవి సెకండ్ ఇన్నింగ్స్ మూవీ ‘ఖైదీ నెంబర్ 150’తో పుంజుకున్నాడు వినాయక్.
అయినా మళ్లీ ఆయన కెరీర్ నత్త నడకలోనే సాగుతోంది. ఈ తరుణంలో మాస్ రాజా రవితేజ, వినాయక్‌కి ఓ ఛాన్స్ ఇచ్చినట్లు తాజా సమాచారం. గతంలో వీరిద్దరి కాంబినేషన్‌లో వచ్చిన ‘కృష్ణ’ రవితేజకు మంచి హిట్ ఇచ్చింది.
సరికొత్త ప్రయోగాలతో.. కొత్త దర్శకులను టచ్ చేసుకుంటూ వెళుతున్న రవితేజ తాజాగా వినాయక్‌ చెప్పిన ఓ పవర్ ఫుల్ స్టోరీకి గ్రీన్ సిగ్నల్ ఇచ్చాడనీ తెలుస్తోంది. త్వరలోనే ఈ ప్రాజెక్ట్ సెట్స్ మీదికి వెళ్లనుందట.
ఇటీవలే ‘టైగర్ నాగేశ్వరరావు’తో ప్రేక్షకుల్ని పలకరించిన రవితేజ, ప్రస్తుతం ‘ఈగల్’ తదితర చిత్రాల్లో నటిస్తున్నాడు. ఈ లోపు వినాయక్ ప్రాజెక్ట్.. అన్నీ కలిసొచ్చి, ఈ ఛాన్స్ వర్కవుట్ అయితే వినాయక్ ఈజ్ బ్యాక్ అనొచ్చేమో. చూడాలి మరి ఏం జరుగుతుందో.!