యూఏఈ: బుధవారం షార్జాలో జరిగిన ఘోర అగ్నిప్రమాదం నుండి 10 ఏళ్ల ఎమిరాటీ బాలుడు తన కుటుంబాన్ని రక్షించాడు. పోలీసులు తెలిపిన వివరాల ప్రకారం.. అహ్మద్ హైతం అహ్మద్ అల్ నఖ్బీ అనే యువకుడు అర్ధరాత్రి తర్వాత నిద్ర లేచాడు. తెల్లవారుజామున 2 గంటలకు షార్జాలోని కల్బా ప్రాంతంలోని వారి నివాసంలో ఏదో మండుతున్న వాసన చూసి తన తండ్రికి తెలియజేసాడు. పిల్లల ఎయిర్ కండిషనింగ్ యూనిట్ నుండి మంటలు రావాడాన్ని గుర్తించాడు. ఏసీలో మంటలు చెలరేగడంతో నిద్రిస్తున్న తన మరో ఇద్దరు కుమారులు నహ్యాన్ (9 ఏళ్లు), మక్తూమ్ (8 ఏళ్లు)లను హైతం వేగంగా బయటకు తీసుకొచ్చాడు. మిగిలిన కుటుంబం వారి ఇంటి ప్రాంగణం వెలుపల సురక్షిత ప్రాంతానికి చేరుకున్నారు. సమాచారం అందుకున్నఅగ్నిమాపక సిబ్బంది వచ్చి  మంటలు మిగిలిన ఇంటికి వ్యాపించకుండా సకాలంలో ఆర్పివేశాయి.