రియాద్: ఫ్యూచర్ ఇన్వెస్ట్‌మెంట్ ఇనిషియేటివ్ (FII7) 7వ ఎడిషన్ రియాద్‌లో ముగిసింది.  ఇది పెట్టుబడి, సాంకేతికతకు సంబంధించిన అత్యాధునిక రంగాలను ఒకదగ్గరకు చేర్చింది. FII7 ముగింపు రోజు స్పేస్, ఏవియేషన్, బయోటెక్, సైబర్ సెక్యూరిటీ, రోబోటిక్స్, వెంచర్ క్యాపిటల్ మరియు స్టార్ట్-అప్ దేశాలు, ఇతర కీలక రంగాలపై ఇన్వెస్టర్లు ఫోకస్ చేశారు. FII7 లో కోనెక్సస్ సహ వ్యవస్థాపకుడు, సీఈఓ  డాక్టర్ ఎరిక్ డైమ్లర్, స్కేల్ AI మేనేజింగ్ డైరెక్టర్ మైఖేల్ క్రాట్సియోస్, రిపబ్లిక్ ఆఫ్ ఆస్ట్రియా మాజీ ఫెడరల్ ఛాన్సలర్ సెబాస్టియన్ కుర్జ్ వంటి ప్రముఖులు పాల్గొన్నారు.  AI సమ్మిట్ గోల్డ్‌మన్ సాక్స్ ఎకనామిక్స్ నుండి ఇటీవలి డేటాప్రకారం.. AI-సంబంధిత ప్రపంచ పెట్టుబడి 2025 నాటికి $200 బిలియన్లకు పెరుగుతుందని అంచనా వేసింది. FII7 ముగిసే సమయానికి మొత్తం పెట్టుబడులు $17.9 బిలియన్లకు చేరుకున్నాయి. పబ్లిక్ ఇన్వెస్ట్‌మెంట్ ఫండ్ సౌదీ అరేబియాలో స్థానిక తయారీ సామర్థ్యాలను నెలకొల్పేందుకు కట్టుబడి, ఇటాలియన్ టైర్ తయారీదారు పిరెల్లితో భాగస్వామ్యాన్ని ప్రకటించింది. ACWA పవర్ అజర్‌బైజాన్‌లో 240MW పవన విద్యుత్ ప్రాజెక్ట్ కోసం ఫైనాన్సింగ్ ఒప్పందంపై సంతకం చేసింది. పునర్నిర్మాణం & అభివృద్ధి కోసం యూరోపియన్ బ్యాంక్, అంతర్జాతీయ అభివృద్ధి కోసం OPEC ఫండ్‌తో భాగస్వామ్యాన్ని ప్రకటించింది. డిసెంబర్ 7 మరియు 8, 2023 తేదీల్లో హాంకాంగ్‌లో జరిగిన FII ప్రాధాన్యతా శిఖరాగ్ర సదస్సుతో ఎఫ్‌ఐఐని ఫార్ ఈస్ట్‌కు మారుస్తున్నట్లు అ ఫ్యూచర్ ఇన్వెస్ట్‌మెంట్ ఇనిషియేటివ్ ఇన్‌స్టిట్యూట్ CEO రిచర్డ్ అటియాస్ ప్రకటించారు.