యూఏఈ: కుటుంబాలు, సంరక్షకులకు మద్దతు ఇవ్వడానికి, పిల్లల పెంపకం వాతావరణాన్ని సృష్టించడానికి వీలుగా కొత్త చైల్డ్ ప్రొటెక్షన్ పాలసీని అబుధాబి క్రౌన్ ప్రిన్స్, అబుధాబి ఎగ్జిక్యూటివ్ కౌన్సిల్ ఛైర్మన్ షేక్ ఖలీద్ బిన్ మొహమ్మద్ బిన్ జాయెద్ అల్ నహ్యాన్ అధ్యక్షత వహించిన కౌన్సిల్ ఆమోదించింది. వివిధ సంస్థల సహకారంతో అబుధాబి ఎర్లీ చైల్డ్‌హుడ్ అథారిటీ అభివృద్ధి చేసిన ఈ పాలసీ, పిల్లలను పెంచడానికి కుటుంబాలకు సానుకూల వాతావరణాన్ని అందించడంలో సహాయపడటం ద్వారా పిల్లలను రక్షించడం లక్ష్యంగా పెట్టుకుంది. కొత్తగా ఆమోదించబడిన విధానం న్యాయబద్ధత, వివక్ష రహితం,  దుర్వినియోగం లేదా నిర్లక్ష్యం కేసులకు వేగవంతంగా పరిష్కరించేందుకు దోహదం చేయనుంది. బాల్య పర్యావరణ వ్యవస్థకు అన్ని రకాల మద్దతు, సంరక్షణను అందించడం ప్రాముఖ్యతను ఈ సందర్భంగా షేక్ ఖలీద్ బిన్ మొహమ్మద్ వివరించారు. పిల్లలు ఎదుర్కొనే శారీరక, మానసిక మరియు సామాజిక ఇబ్బందులు, ప్రమాదాల గురించి కుటుంబాలు, తల్లిదండ్రులలో అవగాహన పెంచడానికి విద్యా కార్యక్రమాలను అభివృద్ధి చేయడానికి ప్రయత్నాలు చేయాలని అధికారులకు సూచించారు. పిల్లలను పెంచడానికి, వారి హక్కులను పరిరక్షించడానికి, వారి శ్రేయస్సును సంరక్షించడానికి ఆరోగ్యకరమైన వాతావరణాన్ని అందించడానికి బాల్యంలోనే వారిని నైపుణ్యాలతో సన్నద్ధం చేయడంలో అత్యంత ప్రాధాన్యత ఉంటుందని అబుధాబి క్రౌన్ ప్రిన్స్ తెలిపారు.