యూఏఈ: ప్రస్తుతం నెదర్లాండ్స్‌లో ఉన్న ఎమిరాటీస్‌కు హేగ్‌లోని యూఏఈ ఎంబసీ గురువారం హెచ్చరిక జారీ చేసింది. ప్లాట్‌ఫారమ్ Xపై పోస్ట్ చేసిన హెచ్చరికలో సియారన్ తుఫాను నెదర్లాండ్స్‌తో సహా పశ్చిమ ఐరోపాను వణికిస్తున్నందున యూఏఈ పౌరులు జాగ్రత్తగా ఉండాలని,  భద్రతా సూచనలను అనుసరించాలని మిషన్ సూచించింది. డచ్ ఎయిర్‌లైన్ KLM నెదర్లాండ్స్‌కు బయలుదేరే మరియు చేరుకునే అన్ని విమానాలను మధ్యాహ్నం నుండి రోజు చివరి వరకు రద్దు చేసింది.  అత్యవసర పరిస్థితుల్లో ఎమిరాటీలు 0097180024 లేదా 0097180044444 అనే హాట్‌లైన్‌ల ద్వారా రాయబార కార్యాలయాన్ని సంప్రదించవచ్చు.  సియారన్ తుఫాను సమయంలో వీచిన బలమైన గాలులు,  వర్షం ఈ ప్రాంతాన్ని అతలాకుతలం చేశాయి. ఫ్రాన్స్‌లోని మిలియన్ల ఇళ్లకు గురువారం విద్యుత్తు లేకుండా పోయింది. దక్షిణ ఇంగ్లాండ్‌లో వందలాది పాఠశాలలు కూడా మూసివేయబడ్డాయి.