మస్కట్: సుల్తానేట్ ఆఫ్ ఒమన్‌లోని 3-5 స్టార్ హోటళ్ల ఆదాయం సెప్టెంబర్ 2023 చివరి నాటికి OMR153 మిలియన్లను అధిగమించింది. ఈమేరకు నేషనల్ సెంటర్ ఫర్ స్టాటిస్టిక్స్ అండ్ ఇన్ఫర్మేషన్ (NCSI) వెల్లడించింది. 2022లో ఇదే కాలంతో పోల్చితే 26.4 శాతం పెరిగింది. సెప్టెంబర్ 2023 చివరి నాటికి హోటల్ అతిథుల సంఖ్య 27.3 శాతం పెరిగి 1.43 మిలియన్లకు చేరుకుంది. 2022లో ఇదే కాలంలో 1.13 మిలియన్ల మంది ఉన్నారు. అదే సమయంలో, హోటల్ ఆక్యుపెన్సీ రేటు 10.1 శాతం వృద్ధిని నమోదు చేసింది.