రష్మిక అంటేనే నేషనల్ క్రష్. ఆమెకు ప్రత్యేకంగా పబ్లిసిటీ స్టంట్లు చేయాల్సిన అవసరమే లేదు. తాజాగా రష్మికకు సంబంధించి ఓ ఫేక్ వీడియో సోషల్ మీడియాలో చక్కర్లు కొడుతోంది.

‘డీప్ ఫేక్’ అనే పేరుతో వైరల్ అవుతోన్న ఈ వీడియోకి సంబంధించి సెలబ్రిటీలు స్పందిస్తుండడమే ఒకింత ఆశ్చర్యం కలిగిస్తోంది. ఏకంగా బిగ్‌బీ అమితాబ్ బచ్చన్ వంటి పెద్ద వ్యక్తి ఈ వీడియో పట్ల స్పందించడం అవసరమా.? అనే చర్చ వినిపిస్తోంది.

సెలబ్రిటీల విషయంలో ఇలాంటి ఫేక్ వీడియోలు సర్వసాధారణం. గతంలో చాలా చాలా వీడియోలు త్రిష తదితర హీరోయిన్ల మీద వచ్చిన సంగతి తెలిసిందే. కొన్ని రోజులు మాట్లాడుకుంటారు. మర్చిపోతారు. కానీ, రష్మిక విషయంలో ఈ సరికొత్త పబ్లిసిటీనే కాస్త చికాకు పెట్టిస్తోందన్న చర్చ కొందరు మేథావుల నుంచి వినిపిస్తోంది.

ప్రస్తుతం రష్మిక టాలీవుడ్‌తో పాటూ బాలీవుడ్‌లోనూ మంచి ఇమేజ్ దక్కించుకుంటోంది. దాంతో, అక్కడా, ఇక్కడా కూడా పలువురు సెలబ్రిటీలు ఈ వీడియో విషయంలో రష్మికకు మద్దతు పలుకుతున్నారు. ఈ వీడియో తనను బాగా వేధించిందని రష్మిక ఆవేదన వ్యక్తం చేస్తోంది. పలువురు సెలబ్రిటీల మద్దతు తనకు ఒకింత ధైర్యాన్నిస్తోందనీ.. కాలేజీ రోజుల్లోనో లేదంటే తాను చదువుకునే రోజుల్లోనే ఇలాంటి వీడియోలు వస్తే తన పరిస్థితి మరోలా వుండేదని రష్మిక చెబుతోంది.