రియాద్: సౌదీ అరేబియా వ్యాపార సందర్శన వీసా రుసుము చెల్లింపు నుండి దౌత్యపరమైన లేదా ప్రత్యేక పాస్‌పోర్ట్‌లను కలిగి ఉన్న పెట్టుబడిదారులకు మినహాయింపు ఇవ్వాలని నిర్ణయించారు. అయితే పెట్టుబడిదారులకు దౌత్యవేత్తలుగా అధికారిక హోదా ఉండదనే షరతు విధించారు. సౌదీ అరేబియా విదేశీ వ్యవహారాల మంత్రిత్వ శాఖ (MOFA), పెట్టుబడి మంత్రిత్వ శాఖ (MISA) సహకారంతో "విజిటింగ్ ఇన్వెస్టర్" పేరుతో ఎలక్ట్రానిక్ బిజినెస్ విజిట్ వీసాల జారీ రెండవ దశను సోమవారం ప్రారంభించింది. గత జూన్‌లో విదేశీ వ్యవహారాల మంత్రిత్వ శాఖ, పెట్టుబడి మంత్రిత్వ శాఖ సహకారంతో యూరప్, ఆసియా, ఉత్తర అమెరికా మరియు ఓషియానియాలోని అనేక దేశాల పౌరులుగా ఉన్న పెట్టుబడిదారుల కోసం వ్యాపార సందర్శన వీసా యొక్క మొదటి దశను ప్రారంభించిన విషయం తెలిసిందే.