డిశంబర్ 22న ఏది ఏమైనా ‘సలార్’ రిలీజ్ చేసి తీరతామని నిర్మాతలు చెబుతున్నారు. తాజాగా ‘సలార్’పై ఓ గాసిప్ చక్కర్లు కొడుతోంది. అదేమంటే, ‘సలార్’కి కత్తెరలు పడుతున్నాయంటూ.

మొదట ‘సలార్’ని రెండు పార్టులుగా రిలీజ్ చేయాలనుకున్నారు. కానీ, ఇప్పుడేమో.. ఒకటే పార్ట్‌గా రిలీజ్ చేయాలనుకుంటున్నారంటూ గుసగుసలు వినిపిస్తున్నాయ్.

రెండో పార్ట్‌ని కూడా మొదటి పార్ట్‌కి కలిపేసి అంతా ఒక్కటే సినిమాగా రిలీజ్ చేయాలనుకుంటున్నారట.. అనేది ఓ గాసిప్ అయితే, లేదు లేదు మొదటి పార్ట్‌లోనే కొన్ని సీన్లు కత్తిరించేస్తున్నారంటూ ప్రచారం ఇంకో వైపు గుప్పుమంటోంది.

గ్రాఫిక్స్ వర్క్ విషయంలో నెలకొన్న అలజడే ఇందుకు కారణం అని మాట్లాడుకుంటున్నారు. ప్రబాస్‌కి ‘సలార్’ చాలా చాలా ప్రెస్టీజియస్ మూవీ. అలాగే డైరెక్టర్ ప్రశాంత్ నీల్‌కి కూడా.

ఈ సినిమా రిజల్ట్ పైనే తదుపరి ఎన్టీయార్‌తో చేయబోయే సినిమా ఆధారపడి వుంటుంది. అందుకే ఈ సినిమా విషయంలో అటు దర్శక, నిర్మాతల్లోనూ ఇటు ప్రబాస్ ఫ్యాన్స్‌లోనూ కూడా తెలియని ఆందోళన.

ఎన్ని ప్రచారాలు గుమ్మెత్తినా.. అవన్నీ రిలీజ్ అయ్యేంతవరకే. ఒక్కసారి సినిమా రిలీజ్ అయితే, గాసిప్స్ అన్నింటికీ చెక్ పడిపోయినట్లే. చూడాలి మరి, ఏం జరుగుతుందో.!