బహ్రెయిన్: బహ్రెయిన్ రాజ్యం మత స్వేచ్ఛను రక్షించడానికి మరియు విభిన్న సంస్కృతుల మధ్య సాంస్కృతిక సంభాషణను బలోపేతం చేయడానికి కట్టుబడి ఉందని క్రౌన్ ప్రిన్స్ మరియు ప్రధాన మంత్రి రాయల్ హైనెస్ ప్రిన్స్ సల్మాన్ బిన్ హమద్ అల్ ఖలీఫా తెలిపారు. దీపావళి పండుగను పురస్కరించుకుని హెచ్‌ఆర్‌హెచ్ ప్రిన్స్ సల్మాన్ నిన్న ముల్జిమల్, కేవల్‌రామ్, థాకర్, కావలిని కుటుంబాలను సందర్శించారు. ఈ సందర్భంగా మాట్లాడుతూ..  హిస్ మెజెస్టి కింగ్ హమద్ బిన్ ఇసా అల్ ఖలీఫా చూపిన బాట బహ్రెయిన్‌ను శాంతి మరియు సామరస్యానికి స్వర్గధామంగా బలోపేతం చేసిందన్నారు. రాజ్యంలో దీపావళి వేడుకలు బహ్రెయిన్ సమాజంలో వైవిధ్యాన్ని కాపాడటంలో నిబద్ధతను చూపుతాయని పేర్కొన్నారు.  ఈ సందర్భంగా ఇసా బిన్ సల్మాన్ ఎడ్యుకేషన్ ఛారిటబుల్ ట్రస్ట్ ట్రస్టీల బోర్డు చైర్మన్, లేబర్ ఫండ్ (తమ్‌కీన్) డైరెక్టర్ల బోర్డు చైర్మన్ షేక్ ఇసా బిన్ సల్మాన్ బిన్ హమద్ అల్ ఖలీఫా కూడా అనేక హిందూ కుటుంబాలను సందర్శించారు.  భాటియా, వైద్య, నాయర్, అసర్పోటా కుటుంబాలకు HRH ప్రిన్స్ సల్మాన్ శుభాకాంక్షలు తెలియజేశారు. హెచ్‌ఆర్‌హెచ్ ప్రిన్స్ సల్మాన్, హెచ్‌హెచ్ షేక్ ఇసా బిన్ సల్మాన్‌తో పాటు పలువురు సీనియర్ అధికారులు కూడా ఉన్నారు.