‘ఆర్ఆర్ఆర్’ సినిమా తర్వాత ఎన్టీయార్‌కి బాలీవుడ్ నుంచి బ్రహ్మాండమైన ఆఫర్ వచ్చిన సంగతి తెలిసిందే. అదే ‘వార్ 2’. ‘వార్’ సినిమాకి సీక్వెల్‌గా రూపొందుతోన్న ఈ సినిమాలో హృతిక్ రోషన్‌కి ధీటైన ప్రతినాయకుడి పాత్రలో ఎన్టీయార్ నటిస్తున్నాడు.

భీభత్సమైన యాక్షన్ ఘట్టాలు.. భారీ బడ్జెట్‌తో ఈ సినిమా రూపొందుతోంది. శరవేగంగా షూటింగ్ జరుపుకుంటోన్న ఈ సినిమాకి సంబంధించి ఓ అప్టేట్ తాజాగా చక్కర్లు కొడుతోంది.

అదేంటంటే, ఎన్టీయార్‌కి జోడీగా శర్వరి హీరోయిన్‌గా నటిస్తోందట. ‘బంటీ ఔర్ బబ్లీ’ సినిమాతో హీరోయిన్‌గా పరిచయమైన ఈ ముద్దుగుమ్మ ఇప్పుడిప్పుడే బాలీవుడ్‌లో వరుస అవకాశాలు దక్కించుకుంటూ సక్సెస్ అవుతోంది.

ఈ నేపథ్యంలోనే ఈ అమ్మడికి ఏకంగా గ్లోబల్ స్టార్ ఎన్టీయార్ సరసన నటించే ఛాన్స్ వచ్చేయడం నిజంగా అదృష్టమే. అయితే, ఈ ప్రచారంలో నిజమెంతో తెలీదు కానీ, ఒకవేళ నిజమే అయితే, ఈ ముద్దుగుమ్మ పేరు టాలీవుడ్‌లోనూ మార్మోగిపోవడం ఖాయం. చూడాలి మరి.