బహ్రెయిన్: గల్ఫ్ ఎయిర్ నవంబర్ 24న డేటా చోరీ ఘటన నమోదైనట్లు వెల్లడించింది. దాని IT సిస్టమ్‌పై గుర్తు తెలియని హ్యాకర్స్ దాడి చేశారని, ఇమెయిల్ మరియు క్లయింట్ డేటాబేస్ సమాచారాన్ని చోరీ చేసే యత్నం జరిగిందన్నారు. "నవంబర్ 24న దాని IT సిస్టమ్‌ను లక్ష్యంగా చేసుకున్న డేటా ఉల్లంఘన సంఘటన చోటుచేసుకుంది. అనధికార యాక్సెస్ కారణంగా దాని ఇమెయిల్ మరియు క్లయింట్ డేటాబేస్ నుండి కొంత సమాచారం చోరీ అయి  ఉండవచ్చు." అని ఎయిర్‌లైన్ శనివారం ఒక ప్రకటనలో తెలిపింది. వెంటనే అత్యవసర సెక్యూరిటీ సిస్టమ్ ను యాక్టివేట్ చేసినట్లు గల్ఫ్ ఎయిర్ తెలిపింది. ఈ సంఘటనపై సమగ్ర విచారణకు ఆదేశించినట్లు పేర్కొంది. జాతీయ క్యారియర్ వినియోగదారులకు ఏదైనా అసౌకర్యం కలిగించినందుకు విచారం వ్యక్తం చేసింది. గల్ఫ్ ఎయిర్ ఇలాంటి విషయాలను చాలా సీరియస్‌గా తీసుకుంటుందని, ఈ సంఘటన వల్ల తమ విలువైన కస్టమర్‌లకు ఏదైనా అసౌకర్యం కలిగితే చింతిస్తున్నట్లు తెలిపింది.