రియాద్: క్రౌన్ ప్రిన్స్,  ప్రధాన మంత్రి మహ్మద్ బిన్ సల్మాన్ మరియు బ్రెజిల్ అధ్యక్షుడు లూయిజ్ ఇనాసియో లులా డా సిల్వా మంగళవారం రియాద్‌లో అధికారిక చర్చలు నిర్వహించారు. ఇరు దేశాల మధ్య ద్వైపాక్షిక సంబంధాలు, వివిధ రంగాల్లో సహకారాన్ని పెంపొందించేందుకు ఉమ్మడి సమన్వయం వంటి అంశాలను వారు సమీక్షించారు. ఉమ్మడి ప్రయోజనాలను సాధించడానికి రెండు దేశాలలో మంచి పెట్టుబడి అవకాశాలపై చర్చించారు. అంతకుముందు రియాద్‌లోని అల్ యమామా ప్యాలెస్‌లో బ్రెజిల్ అధ్యక్షుడికి సౌదీ క్రౌన్ ప్రిన్స్ స్వాగతం పలికారు.  ప్రాంతీయ మరియు అంతర్జాతీయ పరిస్థితులలో పరిణామాలు, ఉమ్మడి ఆసక్తి ఉన్న అంశాలపై తమ అభిప్రాయాలను పంచుకున్నారు. ఇరుదేశాల మధ్య ఇంధన రంగంలో ద్వైపాక్షిక అవగాహన ఒప్పందంపై సంతకాల కార్యక్రమంలో పాల్గొన్నారు.