యూఏఈ: తన ప్రాణాలకు, ఇతర వాహనదారుల ప్రాణాలకు ప్రమాదం కలిగించేలా నిర్లక్ష్యంగా వాహనం నడిపినందుకు అబుదాబికి చెందిన ఒక వాహనదారుడికి అబుదాబి క్రిమినల్ కోర్టు ఆరు నెలల జైలు శిక్ష, 50,000 దిర్హమ్‌ల జరిమానా విధించారు.   

జైలు శిక్ష మరియు జరిమానాతో పాటు, నేరంలో ఉపయోగించిన కారు వేరొకరికి చెందినదని నిర్ధారణ అయినందున, ఆ వాహనం అంచనా విలువ అయిన 20,000 దిర్హమ్‌లను చెల్లించాలని కోర్టు డ్రైవర్‌ను ఆదేశించింది. దీంతో మొత్తం ఆర్థిక జరిమానా 70,000 దిర్హమ్‌లకు చేరింది. అతను తన జైలు శిక్షను పూర్తి చేసిన తర్వాత అమలులోకి వచ్చేలా, కోర్టు అతని డ్రైవర్ లైసెన్స్‌ను ఒక సంవత్సరం పాటు సస్పెండ్ చేసింది.

వాహనదారులు ట్రాఫిక్ చట్టాలు మరియు నిబంధనలను కచ్చితంగా పాటించాలని, బాధ్యతాయుతంగా ప్రవర్తించాలని పబ్లిక్ ప్రాసిక్యూషన్ కోరింది. యూఏఈలో అమల్లో ఉన్న చట్టాల ప్రకారం.. నిర్లక్ష్యపు డ్రైవింగ్ మరియు ఇతర ప్రమాదకరమైన పద్ధతులు హానికరమైన ప్రవర్తన కిందకు వస్తాయని, ఇవి రుజువైతే కఠినమైన శిక్షలకు గురవుతారని హెచ్చరించారు.