'భలే భలే మగాడివోయ్' వంటి భారీ హిట్ తర్వాత 'కృష్ణ గాడి వీరప్రేమగాథ' వినిపించిన నాని ప్రస్తుతం తనను హీరోగా పరిచయం చేసిన ఇంద్రగంటి మోహనకృష్ణ దర్శకత్వంలో 'జెంటిల్‌మన్'గా తెరమీదకొచ్చేందుకు సిద్ధమవుతున్న సంగతి తెలిసిందే. తాజాగా నాని మరో సినిమాకు గ్రీన్ సిగ్నల్ ఇచ్చాడట. యంగ్ డైరెక్టర్ శ్రీరామ్ ఆదిత్య దర్శకత్వంలో నటించేందుకు కమిట్ అయ్యాడట. సుధీర్ బాబు హీరోగా వచ్చిన 'భలే మంచి రోజు' సినిమాతో దర్శకుడిగా పరిచయమైన శ్రీరామ్.. తొలి చిత్రంతోనే దర్శకుడిగా మెప్పించాడు. శ్రీరామ్ చెప్పిన స్టోరీలైన్ నచ్చడంతో ఈ సినిమాను నాని అంగీకరించినట్లు తెలుస్తోంది. భవ్య క్రియేషన్స్ సంస్థ ఈ మూవీని నిర్మించే అవకాశాలు ఉన్నాయని సమాచారం. సున్నితమైన కుటుంబ అనుబంధాలు విలువలను బేస్ చేసుకుని ఈ సినిమా ఉంటుందట.