జగపతి బాబు హీరోగా పూరీ జగన్నాథ్ దర్శకత్వంలో తెరకెక్కిన సినిమా బాచి. ఈ సినిమా పూరీ సెకండ్ మూవీ కావడం విశేషం.. కాగా మొదటి సినిమాతో దర్శకుడిగా ఎంతమంచి పేరు సంపాదించాడో.. బాచి సినిమాతో అంతపేరు పోగొట్టుకున్నాడు. కాలక్రమంలో పూరీ టాప్ దర్శకుడిగా ఎదగగా... జగపతి బాబు ఫెడ్ అవుట్ అయ్యిన హీరోగా మిగిలాడు. క్యారెక్టర్ ఆర్టిస్టుగా మారిన జగపతి బాబు సినిమా కెరీర్ హీరో కంటే చాలా స్పీడ్ గా ఉంది. పలు సినిమాల ఆఫర్లు అందుకొంటున్న జగపతి బాబు తాజాగా పూరీ జగన్నాథ్, నందమూరి కళ్యాణ్ రామ్ ల సినిమాలో నటించే ఛాన్స్ దక్కించుకున్నట్లు తెలుస్తోంది. ఈ సినిమాలో జగపతి బాబు ఓ కీలక పాత్రలో నటించనున్నట్లు.. అందుకోసం పూరీ స్పెషల్ కేర్ పెట్టి ఈ క్యారెక్టర్ ను డిజైన్ చేసినట్లు తెలుస్తోంది. ఈ రోజు నుంచి రెగ్యులర్ షూటింగ్ జరుపుకొనున్నది. కాగా పదిహేను సంవత్సరాల తర్వాత మళ్ళీ జగపతి బాబు పూరీ కలిసి ఈ సినిమా చేయనున్నారు. a