బిగ్‌బాస్ తెలుగు ఏడో సీజన్ చివరి దశకు చేరుకున్న సంగతి తెలిసిందే. చివరిగా హౌస్‌లో ఆరుగురు కంటెస్టెంట్లు మాత్రమే మిగిలి వున్నారు. ఆఖరి వారం నామినేషన్లలో భాగంగా శోభా శెట్టిని ఎలిమినేట్ చేశారు.

శోభా వెళుతూ వెళుతూ కప్పు తీసుకుని రావాలిరా.! అంటూ అమరదీప్‌కి చెప్పింది. నా ఫుల్ సపోర్ట్ నీకే అంటూ అర్జున్‌కి చెప్పింది.

కానీ, శివాజీనే కప్పు గెలుచుకునేది అంటూ ప్రచారం జరుగుతోంది. మొదట్నుంచీ బిగ్‌బాస్ విన్నర్ శివాజీనే అనే స్పష్టత వున్నప్పటికీ, అనూహ్యంగా అమరదీప్ పోటీకి వచ్చాడు.

బుల్లితెర నటుడిగా అమరదీప్‌కి మంచి ఫాలోయింగ్ వుంది. బుల్లితెర సెలబ్రిటీలంతా కూడా అమరదీప్‌కే సపోర్ట్ చేస్తున్నారు. సో, బిగ్‌బాస్ చివరి దశకు చేరుకున్న నేపథ్యంలో అమరదీప్ పేరు సోషల్ మీడియాలో ట్రెండింగ్ అవుతోంది.

మొదట డల్‌గా సాగిన అమరదీప్ ప్రయాణం.. చివరికి చేరేసరికి జోరందుకుంది. హౌస్‌లో ఆఖరి కెప్టెన్ అనిపించుకున్నాడు. టాస్కుల్లోనూ హుషారుగా పాల్గొంటున్నాడు. అప్పుడప్పుడూ ఫౌల్స్ ఆడినా, జనానికి కావల్సిన స్టఫ్ అందిస్తున్నాడు.

సో, అమరదీప్, శివాజీ మధ్య గట్టి పోటీ నెలకొని వుండొచ్చని అంటున్నారు. ఈ సారి బిగ్‌బాస్ సీజన్ ఉల్టా ఫుల్టా.. సో, చివరి నిమిషంలో ఏదైనా కావచ్చు. కప్పు ఎవరిని వరించునో చెప్పలేం.! లెట్స్ వెయిట్ అండ్ సీ ఫర్ జస్ట్ వన్ వీక్.!