యంగ్ హీరో అడవి శేష్‌తో స్టార్ హీరోయిన్ అయిన శృతి హాసన్ జత కట్టబోతోందట. హీరోగా యంగ్ టాలెంట్ అయినప్పటికీ అడవి శేష్ మల్టీ టాలెంటెడ్. నటనతో పాటూ, టెక్నికల్‌గా బాగా సౌండున్న కుర్రోడు.

ఇండస్ర్టీలో పలువురు ప్రముఖ సెలబ్రిటీలతో మంచి స్నేహ సంబంధాలున్నాయ్ అడవి శేష్‌కి. తాజాగా ఓ సినిమా కోసం అడవి శేష్, శృతి హాసన్ జత కట్టబోతున్నారట. ఇదో డిఫరెంట్ టిపికల్ కాన్సెప్ట్ మూవీ అని తెలుస్తోంది.

‘క్షణం’, ‘గూఢచారి’ వంటి తన సక్సెస్ ఫుల్ మూవీస్‌కి సినిమాటోగ్రఫర్‌గా పని చేసిన షనీల్ డియో ఈ సినిమాతో డైరెక్టర్‌గా పరిచయమవుతున్నారు.

అన్నపూర్ణ బ్యానర్‌లో ఈ సినిమా ప్రతిష్టాత్మకంగా రూపొందబోతోంది. పూర్తి వివరాలు తెలియాల్సి వుంది. ఇదిలా వుంటే, ప్రస్తుతం శృతి హాసన్ చేతిలో బడా ప్రాజెక్ట్ ‘సలార్’ వుంది. డిశంబర్ 22న ఈ సినిమా ప్రేక్షకుల ముందుకు రానుంది. అలాగే వెరీ లేటెస్ట్‌గా ‘హాయ్ నాన్న’ సినిమాతో ప్రేక్షకుల్ని పలకరించింది శృతి హాసన్.