కింగ్‌డమ్‌ ఆఫ్‌ మొరాకో, దుబాయ్‌లో కొత్తగా కాన్సులేట్‌ జనరల్‌ని ఏర్పాటు చేసింది. యూఏఈలోని మొరాకో కమ్యూనిటీకి చెందిన ప్రముఖులు, అలాగే అధికారుల సమక్షంలో ఈ కాన్సులేట్‌ జనరల్‌ ప్రారంభమైంది. 'స్మార్ట్‌ కాన్సులేట్‌' అప్లికేషన్‌ని ఈ సందర్భంగా ప్రారంభించారు. మొబైల్‌ ఫోన్ల ద్వారా కాన్సులర్‌ అడ్మినిస్ట్రేటివ్‌ సర్వీసులను పొందేందుకు ఈ అప్లికేషన్‌ ఉపయోగపడుతుంది. మొరాకో రాయబారి మొహ్మద్‌ అయిత్‌ అలి మాట్లాడుతూ, మొరాకో కాన్సులేట్‌ జనరల్‌ హెడ్‌ క్వార్టర్స్‌ని ప్రారంభించడం చాలా గర్వంగా ఉందన్నారు. మొరాకో కాన్సుల్‌ జనరల్‌ మొహ్మద్‌ అల్‌ బెర్‌నౌసి ఈ సందర్భంగా మొరాకో కమ్యూనిటీకి శుభాకాంక్షలు తెలిపారు.