శ్రీలీల ఏం చేయడమేంటీ.? వరుస ప్రాజెక్టులతో బిజీ బిజీగా గడుపుతుంటుంది కదా.. అనుకుంటున్నారా.? అవునండీ శ్రీలీల మోస్ట్ బిజీనే హీరోయిన్‌గా. కానీ, శ్రీలీల పర్సనల్ లైఫ్ గురించి కూడా తెలిసిందే కదా.

ఆమె ఓ వైపు ఎమ్‌బిబియస్ చదువుతూనే, మరోవైపు సినిమాల్లో హీరోయిన్‌గా నటిస్తోంది. హీరోయిన్‌గా కొనసాగిస్తూనే మధ్య మధ్యలో గ్యాప్ దొరికినప్పుడల్లా మెడిసెన్‌కి ప్రిపేర్ అవుతూ వచ్చింది శ్రీలీల.

ఇప్పుడు ఎమ్‌బిబిఎస్ ఎగ్జామ్స్ నడుస్తుండడంతో కొన్ని రోజులు షూటింగుల నుంచి గ్యాప్ తీసుకుందట. పూర్తిగా తన ఫోకస్ అంతా పరీక్షల పైనే పెట్టిందట.

ప్రాజెక్టులపై సైన్ చేసేటప్పుడే ఈ డీల్ సెట్ చేసుకుందట శ్రీలీల. గతంలో సాయి పల్లవి కూడా ఇలాగే చేసింది. షూటింగ్ గ్యాప్‌లో పరీక్షలకు ప్రిపేర్ అయ్యేది. ఆ తర్వాత గ్యాప్ తీసుకుని ఎమ్‌బిబియస్ పూర్తి చేసి వచ్చి, మళ్లీ ఇప్పుడే సినిమాల్లో బిజీ అవుతోంది.

శ్రీలీల కూడా అంతే, క్రేజ్ వున్నన్నాళ్లూ సినిమాలు చేస్తాననీ, ఆ తర్వాత చక్కగా తన మెడిసెన్ వృత్తిని కొనసాగించుకుంటానని ఆ మధ్య ఓ ఇంటర్వ్యూలో శ్రీలీల చెప్పుకొచ్చింది.

ఇప్పటికే శ్రీలీల నుంచి చాలా సినిమాలొచ్చేశాయ్. కానీ, అవన్నీ చెప్పుకోదగ్గ సక్సెస్ అందుకోలేదు. కానీ, శ్రీలీల క్రేజ్ మాత్రం తగ్గనే లేదు.